Internet For Myanmar

Myanmar Internet Training Review for 2007

2008-01-10T03:18:00.000-08:00

၂၀၀၈ နှစ်သစ်ကို ရောက်ပြီဆိုတော့ ပြီးခဲ့တဲ့ တစ်နှစ် အတွင်းမှာ အင်တာနက် သင်တန်းတွေက ရလာတဲ့ အတွေ့ အကြုံတွေကနေ မြန်မာမှာ အင်တာနက်ကို ဘာတွေအတွက်သုံးကြလဲ၊ ဘာတွေ မသုံးဖြစ်ကြသေးဖူးလည်း၊ ဘယ်သူတွေ သုံးကြလဲ ဆိုတာတွေကို လေ့လာထားပါတယ်။

သင်တန်းလာတက်သူများရဲ့ အင်တာနက်သုံးဖို့ လိုအပ်ချက်တွေကတော့……

၁။ အများစုတွေ့ ရတာက အင်တာနက်ဆိုတာကို သိသင့်တဲ့ ပညာတစ်ခု အနေနဲ့ လေ့လာဖို့၊
၂။ နိုင်ငံခြားသွားခါနီး ဒီကလူတွေနဲ့ ပြန်ဆက်သွယ်ဖို့၊ နိုင်ငံခြားမှာရောက်နေတဲ့ သူငယ်ချင်း၊ ဆွေမျိုးတွေနဲ့ ဆက်သွယ်ဖို့၊ (နိုင်ငံခြားရောက်ရင် အင်တာနက်တတ်ထားမှ ဖြစ်မယ်ဆိုပြီး သင်ထားတာမျိုးတွေလည်း ရှိပါတယ်။)
၃။ Email သုံးတတ်ဖို့။
၎။ နိုင်ငံခြား အလုပ်အကိုင် ရှာဖို့ (သို့) နိုင်ငံခြားကျောင်းနဲ့ ပတ်သက်တာရှာဖို့။
၅။ ဘာသာရပ်တစ်ခုခုကို စိတ်ဝင်စားလို့ အင်တာနက်က လေ့လာဖို့။ ( ဥပမာ- English၊ Graphic Design၊ AutoCAD )
၆။ သူငယ်ချင်းရှာဖို့။
၇။ chatting ပြောဖို့။
၈။ ဂီတ၊ ဖျော်ဖြေရေး အင်တာနက်မှာ ကြည့်ဖို့။
၉။ စီးပွားရေးနဲ့ ပတ်သက်တဲ့ အချက်အလက်တွေ (သွင်းကုန်၊ထုတ်ကုန် အတွက်) ရှာဖို့။
၁၀။ သတင်း ဖတ်ဖို့။
၁၁။ Project, thesis လုပ်ဖို့
၁၂။ အခြား ……….

တို့ လို့ တွေ့ ရပါတယ်။ သင်တန်းအစမှာပဲ သင်တန်းသားတွေကို အင်တာနက်မှာ ဘာတွေ လုပ်ချင်လို့ လာတတ်တာလဲလို့ မေးထားတာတွေပါ။ အင်တာနက်ဆိုတာကို ဆက်သွယ်ရေး ကိရိယာ တစ်ခုလို အသုံးပြုကြတာ အများစုတွေ့ ရပါတယ်။ တချို့ လဲ အင်တာနက်က အလုပ်ရှာလို့ ရသွားတယ်ဆိုတာ ကြားလို့ လာသင်တာမျိုးလဲ ရှိပါတယ်။ လူငယ်ပိုင်းအများစုကတော့ သီချင်းနားထောင်မယ်၊ chat မယ် ၊ သူငယ်ချင်းရှာမယ် လို့ပဲ အားသန်နေကြပါတယ်။ တချို့ လဲ ကိုယ်လေ့လာနေတဲ့ ဘာသာရပ်တွေကို အင်တာနက်သုံးပြီး ကျယ်ကျယ်ပြန့်ပြန့် လေ့လာဖို့ လဲ ရှိပါတယ်။ လူကြီးပိုင်းတွေကတော့ အင်တာနက်သတင်းတွေ စိတ်ဝင်စားကြပါတယ်။ သွင်းကုန်၊ ထုတ်ကုန် စီးပွားရေးလုပ်ငန်းရှင်တွေလဲ အင်တာနက်ကို သုံးချင်ကြတယ်လို့ တွေ့ ရပါတယ်။

အင်တာနက်သင်တန်းကို လာတက်တဲ့ သူတွေကတော့ အသက်အရွယ် အပိုင်းအခြား မျိုးစုံကပါပဲ။
၁ နှစ်အတွင်း သင်တန်းသားဦးရေ (၂၅၄) မှာ ……

အသက် ၁၅ နှစ်အောက် -- ၁၀ ယောက်
၁၅ နှစ် မှ ၂၅ ထိ -- ၁၀၀ ယောက်
၂၆ နှစ် မှ ၄၅ အတွင်း -- ၁၁၄ ယောက်
၄၅ နှစ် အထက် -- ၃၀ ယောက် လောက် (အတိအကျတော့ မဟုတ်ပါ) ရှိပါတယ်။ ကျောင်းသား၊ စီးပွားရေးလုပ်ငန်းရှင်၊ အင်ဂျင်နီယာ၊ ရုံးဝန်ထမ်း၊ သံဃာ၊ တခြားသူတွေရော မျိုးစုံတွေ့ရပါတယ်။ တခါထူးထူးခြားခြား ကြုံရတာက အာရုံကြော အားနည်းတဲ့ ဝေဒနာရှင်လား၊ စိတ်ဝေဒနာရှင်ပဲလား မသိပါဘူး.. အင်တာနက် သုံးချင်လို့ ဆိုပြီး လာသင်တာ တွေ့ ရပါတယ်။

ဒီမှာ ထူးခြားတာက ၄၅ နှစ် အထက် လူကြီးပိုင်းက တစ်တန်းမှာ တစ်ဦးလောက် ပျမ်းမျှပါပါတယ်။
မြန်မာနိုင်ငံက လူကြီးတွေလည်း ခေတ်ကို မျက်ခြေ မပြတ်ဘူးလို့ သုံးသပ်မိပါတယ်။
နိုင်ငံခြားရောက်နေတဲ့ သားသမီးတွေကို ဆက်သွယ်ဖို့ ဖြစ်စေ၊ သတင်းတွေ ဖတ်ချင်လို့ဖြစ်စေ လူငယ်တွေထက်တောင် စိတ်အားထက်သန်ကြတာ တွေ့ ရပါတယ်။ နည်းပညာပိုင်း အားနည်းတာလေးပါပဲ။
ကွန်ပြူတာ လုံးဝ မသုံးဖူးသေးသူတွေလဲ အင်တာနက်ကို လေ့လာချင်ကြတာ တွေ့ ရပါတယ်။
လူလတ်ပိုင်းတွေမှာလဲ အင်တာနက် ကြည့်ဖို့ ရှိလာမှ ကွန်ပြုတာ စသုံးဖူးသူတွေ ပါပါတယ်။ အရင်တုန်းက ကွန်ပြူတာကို ရုံးလုပ်ငန်းတွေအတွက်ပဲ အသုံးဝင်တယ်ထင်ကြပေမဲ့ အင်တာနက်မှာတော့ တစ်ဦး ချင်းစီ အတွက် နေရာ ရှိမှန်း၊ ကွန်ပြူတာနဲနဲ ပါးပါးအသုံးပြုတတ်ရုံနဲ့ ကမ္ဘာကြီးနဲ့ ထိတွေ့ နိုင်မှန်း သိလာကြတယ်ထင်ပါတယ်။

မြန်မာနိုင်ငံ အနေနဲ့ အင်တာနက် အသုံးပြုမှုက အကန့် အသတ်နဲ့ပဲ ရှိပါသေးတယ်။ အများစုက အိမ်မှာ မသုံးနိင်ကြသေးတော့ ဆိုင်မှာ ရတဲ့ အချိန်နဲ့ ပြီးသလောက်ပဲ ကြည့်နိုင်သလို ဖြစ်နေပါတယ်။ အင်တာနက် အသုံးပြုခ အခက်အခဲရဲ့ နောက်ဆက်တွဲကတော့ အင်တာနက်လှိုင်းစီးတာကနေ ရင့်ကျက်ဖို့ အချိန်ကြာသွားတာပါ။ အမှန်တကယ် အင်တာနက်ကို ကိုယ့် လိုအပ်ချက်တွေ အတွက် ထိရောက်စွာ မသုံးနိုင်ကြသေးပါဘူး။ ကိုယ့် လိုအပ်ချက်ဆိုတာကလည်း နိုင်ငံခြားရောက်နေတဲ့သူတွေနဲ့ ဆက်သွယ်ဖို့လောက်ပဲ ရှိနေသေးတယ်။ အင်တာနက်ပေါ်က တကယ် အသုံးဝင်တဲ့ စွမ်းအားတွေသုံးဖို့တော့ အားနည်းနေကြပါသေးတယ်။ အင်တာနက်မှာ Search Engine ကိုသုံးပြီး ကိုယ် သိချင်တာတွေရှာကြည့်မယ်၊ ကျောင်းမှာ လုပ်ရမယ့်၊ စာတမ်း၊ ပရောဂျက် တွေအတွက် လိုအပ်တာတွေ Searching လုပ်ကြည့်မယ်၊ ဒီမှာ ကိုယ်ယူထားတဲ့ မေဂျာမှာ သူများနိုင်ငံက ကျောင်းတွေမှာရော ဘယ်လို ဘာသာတွေသင်ရလဲ၊ ဒီမှာ နဲ့ ဘာတွေကွာလဲ၊ သူများနိုင်ငံတွေမှာ ခေတ်နဲ့အညီ ဘယ်လိုမေဂျာအသစ်တွေ တိုးသင်ကြလဲ…… အဲလို ပညာရေးနဲ့ ပတ်သက်လို့ အကျိုးရှိတာတွေရှာကြည့်ဖို့ သုံးကြည့်ဖို့ အချိန်လိုနေပါသေးတယ်။ နောက်တဆင့်ဖြစ်တဲ့ အချက်အလက်တွေရှာဖွေပြီး အဲဒီအချက်အလက်တွေဟာ ကိုယ့်အတွက် ဘယ်လိုအသုံးဝင်မလဲ..၊ အင်တာနက်ပေါ်မှာ တွေ့ သမျှတွေကို အမှန်အမှား ခွဲခြားနိုင်ဖို့ ၊ အကြောင်းအရာတစ်ခုကို အင်တာနက်ပေါ်မှာ နေရာမျိုးစုံက နှိုင်းယှဉ်သုံးသပ်ကြည့်ဖို့၊ အဲလိုကိုယ်သိသလောက်နဲ့ ရပ်မထားဘဲ ကိုယ့် အသိတွေကို နယ်ပယ်သစ်တွေဆီ ရွှေ့ ဖို့၊ ကိုယ့် ဦးနှောက်ကိုလည်း ဆက်လက်ဖြန့်ကျက်ဖို့၊ တလုံးတည်းပြောရရင်တော့ Brainstorming လုပ်ဖို့ပေါ့….အဲလို အဆင့်တွေရောက်ဖို့ တော်တော်ကြိုးစားရပါအုံးမယ်။ သင်တန်းမှာကတော့ သင်တန်းသားတွေ လိုအပ်ချက်ကိုလဲ အဓိက ထားရပါတယ်။ သူတို့ gtalk ပြောဖို့ လိုအပ်ရင် gtalk ကို ဦးစားပေးသင်ပေးရပါတယ်။ အလုပ်ရှာဖို့လိုအပ်နေရင် အလုပ်ရှာ တဲ့ website တွေ အရင်ပြရပါတယ်။ အလုပ်ရှာတဲ့ website မှာလဲ အလုပ်ရှာတာအပြင် ကိုယ့် CV ကို ဘယ်လိုပြင်ဆင်မလဲ၊ သူများနိုင်ငံက salary report တွေပေါ့ .. ဘယ်အလုပ်..ဘယ်အရည်အချင်းနဲ့ဆိုရင် ဘယ်လောက်ရနေတယ် စသည်ဖြင့် မှတ်တမ်းတွေပေါ့ … အဲဒါတွေပါ လေ့လာဖြစ်ဖို့ တိုက်တွန်းပါတယ်။ တတ်နိုင်သလောက်တော့ ကိုယ်တိုင် စဉ်းစားဖြစ်ဖိုိ့ ကိုအားပေးပါတယ်။ တခုခုဆို သင်တန်းသားတွေကို ပဲ မေးကြည့်လိုက်တယ်။
ဥပမာ website နဲ့ blog နဲ့ ကြည့် ရတာ ဘာကွာလဲပေါ့ … ဘာကြောင့်လဲပေါ့…….. တချို့ လဲ ကြည့်ပြီးသလောက်နဲ့ တင် ကွာခြားမှုလေးကို မြင်လာကြပါတယ်။

အင်တာနက် အခြေခံသင်တန်းရဲ့ သင်ရိုးမှာ

1. Web Surfing
2. Searching (Search Engines)
3. Email
4. Instant Messaging (gtalk, VZO) + MIRC
5. Job Searching
6. Web 2.0 Intro
-Wikipedia
- Blogs : Myanmarblogdirectory and some of Myanmar blogs
- Social Networking (friendster, etc…)
7. Forums
8. Others
-Maps – google maps, google earth, wikimapia

9. Recommended Websites (Alexa, learnthenet, live video, etc……)

ပါဝင်ပါတယ်။ အခြေခံသင်တန်းကို သင်တန်းရက်က (၅)ရက်ပဲဆိုတော့ အခုပြထားတဲ့ သင်ရိုးအားလုံးတော့ မသင်ဖြစ်ပါဘူး။ သင်တန်းသားတွေက ကွန်ပြူတာ အခြေခံနည်းတဲ့သူတွေဆိုရင် အမှတ်စဉ် ၅ လောက်အထိ ပဲ ကောင်းကောင်းသင်နိုင်ပါတယ်။ လိုက်နိုင်တဲ့သူတွေ များရင်တော့ များများသင်လို့ရပါတယ်။ တကယ်တော့ သင်ရိုးမှာ MIRC လိုဟာမျိုးကို ဖြုတ်ချင်နေတာ တော်တော်ကြာပါပြီ။ တခြား ပို အကျိုးရှိတာတွေ သင်ပေးချင်လို့ပါ။ နည်းနည်း လူလတ်ပိုင်း အလုပ်လုပ်တဲ့ အရွယ်မျိုးများတဲ့ အတန်းဆိုရင် MIRC အစား တခြား အလုပ်ရှာတာတို့ ၊သူ တို့ ဘာတွေလိုအပ်သေးလဲ မေးပြီး ထပ်ဖြည့်သင်ပေးရပါတယ်။ ဒါမှမဟုတ် connection ကောင်းတဲ့ ဆိုင်မျိုး၊ အချိန်မျိုးဆိုရင်တော့ VZO နဲ့ MIRC ဘယ်ဟာသင်ချင်လဲ သင်တန်းသားတွေကို ပဲ နည်းနည်းရှင်းပြပြီး မေးလိုက်ပါတယ်။ တွေ့ ရတာအများစုကတော့ VZO တော့ ပို စိတ်ဝင်စားကြပါတယ်။
လူငယ်ပိုင်းများရင်တော့ အလုပ်ရှာတာ အစား ကျောင်းနဲ့ ပတ်သက်တဲ့ website တွေ ပြဖြစ်ပါတယ်။ နယ်ပယ်စုံရအောင်တော့ ပြရတာပေါ့…. ဘာတွေ ရွေးချယ်သွားတယ်၊ ဘယ်လို ဆက်သုံးဖြစ်ကြလဲဆိုတာတော့ သေချာ လေ့လာမကြည့်ရသေးပါဘူး…. နည်းနည်းပါးပါး မေးကြည့် တာတော့ ရှာစရာရှိလာရင်တော့ Searching engines သုံးဖြစ်မယ်လို့ ပြောကြပါတယ်။

သင်တန်းအပြီး သင်တန်းအပေါ် ဝေဖန်ချက်လေးတွေ တောင်းခံ ရာမှာ တော့ သင်တန်းချိန်တိုးမြှင့်ပြီး ပိုသင်နိုင်ရင်ကောင်းမယ်၊ သင်ရိုးစာအုပ်ပေးရင်လဲ ပိုမှတ်မိမှာပါ၊
အင်တာနက်ကို သုံးရတာ ကမ္ဘာကြီးနဲ့ အဆက်အသွယ် ရပါတယ်၊ အဲလို comments တွေ အများစုတွေ့ ရပါတယ်။
တချို့ ကွန်ပြူတာပိုင်းအားနည်းတဲ့ သူတွေလဲ သင်တာမြန်တယ်လို့ ဝေဖန်ချက်တွေ ပေးပါတယ်။
အင်တာနက်သုံးရတာ အချိန်များများရရင်ကောင်းမှာပဲ၊ လူကြီးပိုင်းတွေကလဲ next generation တွေမှာ အင်တာနက်ကို သုံးဖို့လိုမယ်လို့ သုံးသပ်သွားကြပါတယ်။

တစ်နှစ်အတွင်း ကြုံတွေ့ ခဲ့ ရတဲ့ သင်တန်းသား ၂၅၀ကျော် ပမာဏပေါ်မှာ လေ့လာထားခြင်းဖြစ်ပါတယ်။

Myanmar Internet Class (Royal Net) 12-16 Nov 07

2007-11-16T04:05:00.000-08:00

Myanmar Forums

2007-11-15T20:08:00.000-08:00

List of Myanmar Online Forums

မြန်မာ အွန်လိုင်းဖိုရမ်များ စာရင်း

http://www.planet.com.mm/forums
http://forum.phoewa.com/forum
http://www.ngoinmyanmar.org
http://www.mmgeeks.org/forum
http://www.myawady.net/myanmar/
http://www.myanmartalk.com
http://www.padonma.com/forums
http://www.tpmyanmar.org
http://www.npmyanmar.com/forums

Myanmar Internet Class (Mother Home )

2007-10-25T18:55:00.000-07:00

Myanmar Internet Class (SMT Net July 2-6)

2007-07-08T09:11:00.000-07:00

Wikipedia

2007-07-08T02:10:00.000-07:00

Wikipedia ဆိုတာကတော့ ဘာသာစကားမျိုးစုံပါဝင်တဲ့ အင်တာနက်ပေါ်က အခမဲ့ လွတ်လပ်စွယ်စုံကျမ်းပါ။ ဒီစွယ်စုံကျမ်းကြီးမှာ ပါဝင်တဲ့ အကြောင်းအရာတွေကို မည်သူမဆို လွတ်လပ်စွာ ဖတ်ရှုနိုင်သလို ကိုယ်တိုင်လည်း ပါဝင်ရေးသားနိုင်ပါတယ်။ ဘာသာစကား အသီးသီးနဲ့ ပါဝင်ရေးသားကြပြီး သင်ကိုယ်တိုင်လည်း wikipedia ရဲ့ တစိတ်တပိုင်းအဖြစ် လိုနေသေးကြောင်းကို wikipedia website ရဲ့ home page မှာ အပိုင်းအစလေးတွေကို ဆက်ပြီး ပုံဖော်ရတဲ့ Jigsaw ကစားနည်းလေးနဲ့ ပုံဖော်ထားတာတွေ့ ရမှာပါ။ Wiki ကို ၂၀၀၁ ဇန်နဝါရီမှာ ဂျင်မီဝေးလ်စ် နဲ့ လာယ်ရီစင်းဂါ တို့က ဖန်တီးခဲ့တာပါ။

တချိန်တုန်းကတော့ စွယ်စုံကျမ်းဆိုရင် ဘာသာရပ်ကျွမ်းကျင်သူတွေ၊ တက္ကသိုလ် ပါမောက္ခတွေက နှစ်ပေါင်းများစွာ ရေးသားပြုစုပြီး စာအုပ်အကြီးကြီးတွေနဲ့ အတွဲလိုက် ပုံနှိပ်ကြတယ်၊ ဒေါ်လာ ရာနဲ့ချီ၊ ထောင်နဲ့ချီပြီးပေးရပါတယ်၊ Britannica စွယ်စုံကျမ်းကတော့ နာမည်အကြီးဆုံးပေါ့။ computer ခေတ်ရောက်လာတော့ စာအုပ်တွေအစား CD-ROM တွေပေါ်လာတယ်။ Microsoft ကထုတ်တဲ့ Encarta စွယ်စုံကျမ်းCDက ထိပ်ဆုံးကပါ ။ ဒါပေမဲ့ အရင်တုန်းက အကြောင်းအရာတွေကို စာရွက်ပေါ်ကနေ CD အဖြစ်အသွင်ပြောင်းလိုက်တာပဲ ရှိတာပါ။ Britannica မှာ ဆောင်းပါးပေါင်း ၈၀,၀၀၀ လောက်ပဲရှိရာက Microsoft Encarta မှာတော့ တစ်သိန်းကျော်လောက်ထိ ပါလာပါတယ်။

ထူးခြားတဲ့အပြောင်းအလဲကတော့ အင်တာနက်ကို သုံးပြီးဖတ်ရှုလို့ရအောင်လုပ်ခဲ့တဲ့ wikipedia ပါ။ အစမှာတော့ အရင်ပုံစံ စွယ်စုံကျမ်း တစ်ခုဖြစ်တဲ့ Nupedia နဲ့ စတင်ခဲ့ပေမဲ့ နောက်ပိုင်းမှာ စွယ်စုံကျမ်းကို project ပုံစံပြောင်းပြီး လူတိုင်းပါဝင်မှုကို ဖိတ်ခေါ်ထားပါတယ်။ လူတစ်ယောက်က မိမိ နှံစပ်ကျွမ်းကျင်တဲ့ အကြောင်းအရာတစ်ခုကို စရေးတယ်၊ တခြားတ ယောက်ကလည်း အဲဒီအကြောင်းအရာကို ပိုသိတယ်ဆိုရင် ဝင်ပြီးဖြည့်ရေးနိုင်ပါတယ်။ အဲလိုပဲ ကိုယ်ကလည်း တခြားသူရေးထားတဲ့ အကြောင်းအရာကို လိုနေတယ်ထင်ရင် ထပ်ပြီးဖြည့်စွက် နိုင်တယ်။ မှားနေရင်လည်း ပြင်ပေးလို့ရပါတယ်။ တကယ်လို့ အချက်အလက်တစ်ခုက အငြင်းပွားစရာဖြစ်နေရင်လည်း discussion ကဏ္ဍမှာဆွေးနွေးနိုင်ပါတယ်။

ကိုယ်က ခေါင်းစဉ်သစ်တစ်ခုကို စရေးမယ်ဆိုရင်တော့ wikipeida website မှာ register လုပ်ဖို့လိုပါတယ်။ ရှိပြီးသားခေါင်းစဉ်ကို ထပ်ဖြည့်ဖို့ဆိုရင်တော့ ဆောင်းပါးထဲမှာ edit ဆိုတဲ့ နေရာလေးတွေကို နှိပ်လိုက်ရင် ရေးလို့ရမဲ့နေရာဆီ ရောက်သွားပါလိမ့်မယ်။ ဆောင်းပါး အသစ်တွေဟာ ဆီလျှော်တဲ့အကြောင်းအရာဖြစ်မဖြစ်၊ အချက်အလက်မှန်ကန်မှုရှိမရှိ ကိုတော့ စိစစ်ပါတယ်။

Wikipedia ကိုယခုချိန်ထိ ဘာသာစကားပေါင်း (၂၅၃) မျိုးနဲ့တွေ့ နိုင်ပါတယ်။ မြန်မာဘာသာ အပါအဝင်ပေါ့။ ဆောင်းပါးအားလုံးစုစုပေါင်း ၇.၅သန်း ရှိနေပါပြီ။ အင်္ဂလိပ်ဘာသာနဲ့ချည်းပဲ ဆောင်းပါး ၁.၈၄ သန်းလောက်ရှိတယ်။ ထပ်ပြီးလဲ တိုးလာနေ ပါတယ်။ အင်္ဂလိပ်ဘာသာနဲ့ wiki ကို en.wikipedia.org ၊မြန်မာက my.wikipedia.org နဲ့ တိုက်ရိုက်သွားလို့ရပါတယ်။ wiki ရဲ့ main နေရာဖြစ်တဲ့ www.wikipedia.org မှလည်း အခြားဘာသာတွေကို သွားလို့ရပါတယ်။

ကိုယ်လိုချင်တဲ့ အကြောင်းအရာ၊ အချက်အလက်ကို Search ဆိုတဲ့နေရာလေးမှာ ရိုက်ထည့်ပြီး ရှာရမှာပါ။ ရှေ့ စာမျက်နှာမှာတော့ နေ့တိုင်းအတွက် အကောင်းဆုံး ဆောင်းပါး၊ ဓါတ်ပုံ၊ မွေးနေ့ရှင်အဆိုအမိန့်တွေနဲ့ သတင်းအတိုအထွာလေးတွေကို ထုတ်ပေးထားပါတယ်။ ဆောင်းပါးတစ်ပုဒ်ကိုဖတ်ပြီဆိုရင် အဲဒီအကြောင်းအရာထဲက ဝေါဟာရတွေ၊ စကားလုံးတွေမှာ သီးခြားဆောင်းပါး ရှိရင်လည်း အပြာရောင်လေးတွေ ပြပြီးချိတ်ဆက်ထားပါတယ်။ တခြားဆက်စပ်နေတဲ့ ခေါင်းစဉ်တွေကိုလည်း အောက်ဘက်က See also နေရာမှာပေး ထားတယ်။ ဒီ့ပြင် တခြား websites ကောင်းတာတွေကိုလည်း External Links အနေနဲ့ လမ်းညွှန်ထားပါတယ်။ ကျမ်းကိုးစာရင်း References တွေကိုလည်းဖော်ပြထားပါတယ်။ သာမန်လူတစ်ဦးကလည်း ဝင်ရေးနိုင်တဲ့ စွယ်စုံကျမ်းက စိတ်ချနိုင်မှုရှိပါ့မလားဆိုပြီး မေးခွန်းထုတ်ကြပေမဲ့ လူအများစုရေးကြတာဖြစ်တဲ့အတွက် အတိုင်းအတာတစ်ခုထိ ပြည့်စုံ မှန်ကန်ကြောင်းကို သက်သေပြနိုင်ခဲ့ပါတယ်။ လွတ်လပ်ပြီး လူတိုင်းပါဝင်နိုင်မှုကို အဓိက ထားတဲ့အတွက် အချက်အလက်တွေက ကိုယ့်အတွက် တကယ်အသုံးဝင်မဝင်ကိုတော့ ကိုယ်တိုင် ချင့်ချိန်ဖို့ အားပေးထားပါတယ်။

Wikipedia မှာ စွယ်စုံကျမ်းအပြင် တခြားစီမံကိန်းတွေလည်းရှိပါသေးတယ်။ ဘာသာမျိုးစုံ အဘိဓါန် wiktionary ၊ အဆိုအမိန့်တွေစုထားတဲ့ wikiquote ၊ online သင်ယူနိုင်တဲ့ wikiversity နဲ့ တခြား wiki ရဲ့ အလားတူ sister projects တွေကိုလည်းလေ့လာနိုင်ပါတယ်။ ကမ္ဘာ့မြေပုံပေါ်မှာ ကိုယ့်အိမ်နေရာလေးထည့်ချင်ရင်တော့ www.wikimapia.org မှာညွှန်းပေးလို့ရပါတယ်။ လူကြည့်အများဆုံး websites တွေကို စာရင်းပြုစုတဲ့ www.alexa.com ရဲ့အဆိုအရ wikipedia ဟာယခုလက်ရှိ လူကြည့် အများဆုံးထိပ်ဆုံး ၁၀ စာရင်းဝင်ပါ။ တခြားစွယ်စုံကျမ်း တွေကိုလေ့လာချင်ရင်တော့ wiki ကိုအရင်သွားပြီး list of encyclopedias ဆိုပြီးရှာကြည့် လိုက်ပါ။ တကမ္ဘာလုံးက အမျိုးအစားစုံလင်တဲ့ စွယ်စုံကျမ်းစာရင်းကိုတွေ့ရမှာပါ။

Open Courseware

2007-07-08T02:08:00.001-07:00

ဒီနေ့လို အင်တာနက်ခေတ် အမြဲမပြတ်သင်ယူလေ့လာနေတဲ့ လူ့အဖွဲ့အစည်းထဲမှာ သင့်အနေ နဲ့နောက်ကျကျန်နေလား?...!! ကမ္ဘာ့ထိပ်တန်းတက္ကသိုလ်တွေရဲ့ သင်ခန်းစာတွေက သင့်ဆီကို ပျံသန်းလာနေပါပြီ။ ၂၀၀၁ ခုနှစ်ကစပြီး အမေရိကန် မန်ဆက်ချူးဆက် နည်းပညာတက္ကသိုလ်(MIT) က သူတို့ရဲ့သင်ရိုးတွေကို Online ပေါ်မှ လူတိုင်းသင်ယူလေ့လာနိုင်တဲ့ Open Courseware ဆိုပြီး စတင်မိတ်ဆက်ခဲ့ပါတယ်။ ဝင်ခွင့်တွေ၊ ကန့်သတ်ချက်တွေ ဘာမှမလိုဘဲ ကိုယ်လိုချင်တဲ့ဘာသာကို ရွေးပြီးလေ့လာနိုင်တယ်။ အခုဆိုရင် Undergraduate အတွက် သင်ရိုးပေါင်း ၁၀၀၀ ကျော်ရှိနေပါပြီ်။

ကျောင်းအပ်တဲ့အနေနဲ့လုပ်ရမှာက MIT web site မှာ register လုပ်ရုံပါပဲ။ သင်ခန်းစာတွေမှာ assignmentတွေ၊ projectတွေ လုပ်ရလေ့ရှိပါတယ်။ တချို့သင်ရိုးတွေက စာမေးပွဲတွေဖြေရတယ်။ သင်ခန်းစာရှင်းလင်းချက်တွေကို ဗီဒီယိုဖိုင်တွေ၊ အသံဖိုင်တွေ download ကူးယူပြီးလေ့လာနိုင်တယ်။ တချို့သင်ခန်းစာတွေကတော့ မှတ်စုနဲ့ အမေးအဖြေတွေပဲပေးပါတယ်။ MITတက္ကသိုလ်ပါမောက္ခတွေ ရေးတဲ့ ပြဌာန်းစာအုပ်တွေလဲရှိတယ်။ Simulations (သရုပ်ပြပရိုဂရမ်)တွေ၊ Power Point presentation တွေနဲ့လဲ ရှင်းလင်းထားပါတယ်။ ကျောင်းသားအချင်းချင်းတိုင်ပင်ဆွေးနွေးဖို့ကိုလဲ discussion groupတွေနဲ့ လုပ်လို့ရတယ်။ OCW သင်ရိုးတွေက ဘွဲ့ ချီးမြှင့်မှာမဟုတ်ကြောင်းကိုတော့ ပြောထားပါတယ်။

အခုဆိုရင် MIT အပြင် တခြားနေရာတွေမှာလဲ OCW လှုပ်ရှားမှုတွေရှိနေပါပြီ။ OCW လေ့လာနိုင်တဲ့နေရာတွေကတော့…….
http://ocw.mit.edu (Massachusetts institute of Technology OCW)
http://ocw.usu.edu (Utah State University OCW)
http://ocw.jhsph.edu (Johns Hopkins School of Public Health OCW)
http://ocw.tufts.edu (Tufts University OCW)
http://ocw.fhda.edu (Foothill – De Anza Community College SOFIA)
http://ocw.cmu.edu/oli/ (Carnegie Mellon Open Learning Initiative)

MIT ကသင်ရိုးတွေကို တရုတ်၊ ဂျပန်နဲ့ တခြားဘာသာတွေကိုလည်း ပြန်ဆိုထားပါတယ်။ Open Courseware တွေကို ကျောင်းသူကျောင်းသားတွေအပြင် ဆရာ၊ဆရာမတွေလည်း ကိုးကားဖို့ ခွင့်ပြုထားပါတယ်။ Open Courseware နည်းတူတခြားအဖွဲ့အစည်းတွေကလည်း Open Educational Resources၊ Development Gateway ဆိုပြီး knowledgeတွေကို shareလုပ်ထားတာ တွေလဲရှိပါသေးတယ်။ topics.developmentgateway.org, www.dgfoundation.org တို့မှာလေ့လာ နိုင်ပါတယ်။

Social Network

2007-07-08T02:07:00.000-07:00

Internet အကြောင်းပြောကြစတမ်းဆို social network တွေကလည်းမပါမဖြစ်ပါ။ အင်တာနက်ဆိုတာ computer အချင်းချင်းချိတ်ဆက်ထားတယ်လို့ပြောရင်သိပ်ခေတ်မမှီ တော့ပါဘူး။ တကယ်တော့ အင်တာနက်ဆိုတာကွန်ပြူတာ digital ပစ္စည်းတွေကို ကြားခံအနေ နဲ့သုံးပြီး လူအချင်းချင်းချိတ်ဆက်ထားတဲ့ ကွန်ယက်တစ်ခုပါ။

ဒါ့ကြောင့် သင်ဟာအင်တာနက်ကို စသုံးပြီဆိုတာနဲ့ ကမ္ဘာအနှံမှာ သင့်လိုပဲအင်တာ နက်ကို သုံးစွဲနေတဲ့သူသန်းပေါင်းများစွာရှိနေတယ်ဆိုတာ သတိရပါ။ အဲဒီလူအများကြီးထဲကမှ သင့်ရဲ့ဖူးစာရှင် ဒါမှမဟုတ် မိတ်ဆွေသူငယ်ချင်းတွေကို လွယ်လွယ်ကူကူရှာဖွေချင်တယ်ဆိုရင် တော့ social network တွေကို မသုံးမဖြစ်သုံးရပါတော့မယ်။

Social network ဆိုတာ အင်တာနက်ပေါ်ကနေ အလွယ်တကူမိတ်ဆွေဖွဲ့ ဖို့စီစဉ်ထား တဲ့ဝက်ဒ်ဆိုဒ်တွေကို ပြောတာပါ။
ဥပမာ…. www.hi5.com
www.orkut.com
www.friendster.com စသဖြင့်ရှိပါတယ်။

www.hi5.com ဆိုရင် ကိုယ်တွေ့ချင်သူရဲ့အသက်၊ နေထိုင်တဲ့မြို့ (သို့မဟုတ်) နိုင်ငံနဲ့ ကျား/မ ရွေးချယ်ထည့်သွင်းပေးတာနဲ့ အဲဒီ့အချက်အလက်နဲ့ ကိုက်ညီတဲ့သူရာနဲ့ချီပြီး ဖေါ်ပြပေးပါတယ်။
ဓါတ်ပုံတွေလည်းပါလာတတ်ပါတယ်။ တစ်ဦးချင်းစီရဲ့ အကြောင်းအရာအသေးစိတ်သိချင်ရင် တော့ ကိုယ်ကိုယ်တိုင်က ဒီ website မှာ register လုပ်ဖို့လိုပါတယ်။ Register လုပ်တဲ့အခါ ကိုယ့်ရဲ့နာမည်၊ မွေးနေ့၊ နေရပ်လိပ်စာ၊ email၊ ဝါသနာစသဖြင့် အခြေခံအားဖြင့်ထည့်ပေးရပါ တယ်။ ကိုယ့်ဓါတ်ပုံထည့်ချင်လည်းရပါတယ်။ ကိုယ့် email ကိုမမြင်ရအောင်ထားလို့လည်းရပါ တယ်။ တချို့ website တွေက ကိုယ့်ရဲ့ အချက်အလက်တွေကို အသေးစိတ်တောင်းတတ်ကြပါ တယ်။ ဒီလိုအချက်အလက်တွေ ဖြည့်တဲ့အခါ ကိုယ်ဘက်က အမှန်အကန်မိတ်ဆွေတွေနဲ့ ခင်ချင်ရင် ကိုယ့်အကြောင်းကို မှန်မှန်ကန်ကန် ဖြည့်ပေးဖို့ အကြံပြုလိုပါတယ်။ ဒါမှ ရေရှည်မှာ ပွင့်ပွင့်လင်းလင်းနဲ့ မိတ်ဆွေဖြစ်နိုင်မှာပါ။

ဒီလိုလုပ်ပြီးပြီဆိုရင်တော့ ကိုယ့် email ကိုပြန်စစ်ကြည့်သင့်ပါတယ်။ များသောအားဖြင့် ကိုယ် register လုပ်ထားတဲ့ social network ဆိုဒ်ကနေ အကြောင်းကြားစာပို့ပေးတတ်ပါ တယ်။ တခါတခါ အဲဒီအကြောင်းကြားစာမှာ ကိုယ်ဒီဝက်ဒ်ဆိုဒ်မှာ register လုပ်ထားတာ သေချာလားဆိုတဲ့ အတည်ပြုစာမျိုးပါလာတတ်ပါတယ်။ ဒါက ဘာကြောင့်လဲဆိုရင် အခြားသူတစ်ဦးက ကိုယ့်ရဲ့ email လိပ်စာကိုသုံးပြီး register လုပ်ခွင့်ရသွားတာမျိုးမဖြစ် အောင်လို့ပါ။

Register လုပ်ပြီးပြီဆိုရင်တော့ ကိုယ်သိချင်တဲ့ သူရဲ့အကြောင်း (Profile) တွေကိုကြည့်လို့ ရပါပြီ။ သဘောကျတယ်၊ ခင်တယ် ဆိုရင် message တွေပို့ လို့ရပါတယ်။ ဒီ social network တွေမှာ member အချင်းချင်းပဲပို့လို့ရတဲ့ email စနစ်တွေရှိတတ်ပါတယ်။ message ပို့ပြီးဆက်သွယ်ရတာလောက်နဲ့ အားမရဘူး၊ ဓါတ်ပုံတွေ၊ videoတွေ၊ ကိုယ်ပိုင် Blog တွေပါ ဝေမျှချင်တယ်ဆိုရင်တော့ www.myspace.com, 360.yahoo.com, www.multiply.com လို အနည်းငယ်ရှုပ်ထွေးပေမယ့် ပိုမိုစုံလင်တဲ့ functions တွေပါတဲ့ social network တွေသုံးသင့်ပါတယ်။

Function တစ်မျိုးတည်း (ဓါတ်ပုံသက်သက်၊ video သက်သက်) ပဲ share လုပ်ရတာ စိတ်ဝင်စားရင်တော့ content communities တွေသုံးကြည့်ပါ။ ဓါတ်ပုံဝါသနာပါတဲ့ သူတွေအတွက် www.flickr.com ၊ video တွေအတွက် www.youtube.com တို့ရှိကြပါတယ်။ ဒါအပြင် ကိုယ်ကြိုက်တဲ့ web site အကြောင်းနဲ့ အဲဒီ website တွေထဲမှာပါတဲ့ အကြောင်းအရာတွေဝေမျှချင်ရင်တော့ www.digg.com, www.stumbleupon.com, www.del.iciou.us, www.slashdot.org စတဲ့ website တွေကိုအသုံးပြုလို့ရပါတယ်။ သူများတွေတင်ထားတဲ့ ဓါတ်ပုံ၊ video တွေနဲ့ ပတ်သက်တဲ့ မှတ်ချက်တွေ၊ ကိုယ့်အမြင်သူ့အမြင်တွေကို ပျော်ပျော်ရွှင်ရွှင်ရင်ဖွင့်ရေးသားနိုင်ပါတယ်။ ဒီနေ့ internet ခေတ်မှာဒီလို social network တွေ၊ content communities တွေသုံးတဲ့အတွက် နိုင်ငံအရပ်ရပ်က မိတ်ဆွေသူငယ်ချင်းအသစ်တွေ ဗဟုသုတအသစ်တွေ တိုးပွားစေနိုင်သလို ကမ္ဘာကြီးဟာကျဉ်းကျဉ်းလေးပါလားဆိုတဲ့ ခံစား ချက်လေးလည်း ရရှိလာမှာဖြစ်ပါတယ်။

(social network တွေရဲ့ စာရင်းကို wikipedia မှာ ဒီ (URL)ကိုကြည့်နိုင်ပါတယ်။)
http://en.wikipedia.org/wiki/List_of_social_networking_websites

Myanmar Internet Training : CometNet (July 2-6)

2007-07-05T21:17:00.001-07:00

Myanmar Internet Training SMT Net (May 15-19)

2007-05-24T01:39:00.000-07:00

သကြန်

2007-04-02T06:17:00.001-07:00

သကြန်ကျတော့မယ်....သူငယ်ချင်းတို့ရေ

Blog Free Seminar At SMT Net

2007-04-01T23:27:00.000-07:00

Everything Okay ?

2007-04-01T09:21:00.000-07:00

ဒီနေ့ Blog Seminar ကိုလာကြသူများ အဆင်ပြေကြရဲ့လား ။

Myanmar Internet Training: SMT Net

2007-03-31T23:42:00.000-07:00

Ko Aung Zaw Min & Ko Soe Min Htwe

Internet News : Virus Warning

2007-03-28T21:55:00.000-07:00

သတိ

သင့်ရဲ့ computer, memory stick, mp3, mp4 တွေထဲမှာ flashy ဆိုတဲ့ဖိုင်တွေ့ရင်အဲဒီဖိုင်ကိုလုံးဝမဖွင့်ပါနဲ့။

အဲဒါ Virus ပါ။
AVG Anti-Virus ကို update လုပ်ပြီးသတ်ပါ။

Myanmar Internet News: The Real Kid Blog

2007-03-28T21:51:00.000-07:00

ကလေးလေးတွေ ဆွဲထားတဲ့ပုံ (အမှန်အကန်)

myanmarcartoons.blogspot.com

Myanmar Internet News : Cartoon Blog

2007-03-22T20:23:00.000-07:00

မြန်မာကလေးတွေအတွက် Cartoon Blog လေးပါ။
http://myanmar-cartoon.blogspot.com

Myanmar Internet News : Internet Seminar

2007-03-21T23:50:00.000-07:00

ယနေ့မြန်မာအင်တာနက်နှင့်

ပညာရပ်ဆိုင်ရာအခွင့်အလမ်းများဟောပြောပွဲ

March 31, 2007

9:00 AM to 5:20 PM

Myanmar Info Teach, Hlaing , Yangon

Seminar တွင် ပါဝင်ဟောပြောကြမည့်သူများနှင့် ဟောပြောမည့်ခေါင်းစဉ်များ

Saya Khin Maung Nyo (E-Trade) In Search of Talent
Dr. Tin Latt (MAT) Introduction to International Management & Knowledge
Dr. Nay Win Maung (Voice Journal) Digital Waves
U Aye Kyaw (MHR) Choosing Universities via Internet
U Thein Soe (Ocean Gate) ICDL Online Test
Ma Cho Zin Aye (Planet.com) E-market Place
Ko Aung Phyo (Creative Web Studio) MyanmarTraining.com
Ko Wai Phyo Htut (Creative Web Studio) Web 2.0, CWS Training
Ko Kyaw Win Tun (SONY) Sony & Digital Era
U Ye Tun Aung (Service+) Digital & Internet Era in Myanmar
MyanmarChronicle.com and Myanmar Webs
BLOGs

လာနားထောင်တဲ့သူတွေကို …

အခုချက်ခြင်းရ ကံစမ်းမဲများ

Discount သင်တန်းတက်ရောက်ခွင့်ခံစားမှုများ

အင်တာနက်သုံးခွင့်ကဒ်များ

ပေးမယ်တဲ့။

Myanmar Internet News : Myanmar ThinGyan Blog

2007-03-21T23:35:00.000-07:00

မြန်မာသင်္ကြန်အင်တာနက်မှတ်တမ်းရေးဖို့ အားလုံးကို ဖိတ်ခေါ်ပါတယ်။

http://thin-gyan.blogspot.com

သင်္ကြန်မကျမီမြန်မာပြည်တစ်ဝှမ်းတွင်သင်္ကြန်အကြိုပြင်ဆင်မှုများသင်္ကြန်အတွင်း ရေပက်ပျော်ရွှင်ကြပုံများ၊ သင်္ကြန်အပြီးကုသိုလ်ဒါနကောင်းမှုပြုကြပုံများကို မြန်မာပြည်တစ်ဝှမ်းရှိ Bloggerများစုပေါင်းကာ မြန်မာပြည်နှင့် ကမ္ဘာအဝှမ်းမှ ၂၀၀၇ မဟာသင်္ကြန်အဖြစ်အပျက်များကို ကြည့်ရှုနိုင်ရန် ပြုလုပ်သွားမည် ဖြစ်သည်။

စိတ်ဝင်စားပါက …

ရန်ကုန်
Ko Ye Tun Aung : ytaung@gmail.com
Ma Htaik Htaik Aung : htaike2aung@gmail.com

မန္တလေး
Ko Lin Htaik: lin.htaik@gmail.com
Ma Yadanar Cho: yadanar@gmail.com

သို့ဆက်သွယ်ပါ။

Myanmar Internet Training : SMT Net (March 12 -16)

2007-03-14T19:51:00.000-07:00

လူတိုင်းသိသင့်တတ်သင့်သော ပညာရပ်တစ်ခုဟုယုံကြည်ပါသည်။ ကျေးလက်တောရွာများအထိ ပျံ့နှံ့ပြီး၊ လူအားလုံးရဲ့ မျက်စိတွေ နားတွေကို ဖွင့်ပေးနိုင်သည်အထိအောင်မြင်စေချင်ပါသည်။ ဒါမှ ‘အ’ တဲ့သူမရှိ နိုင်တော့ဘူးပေါ့။

(U Myint Soe)

Myanmar Internet Training : MPEC (March 5)

2007-03-04T23:37:00.000-08:00

Ko Kyaw Kyaw Thant and Ko Mg Mg

Myanmar Internet Articles

2007-02-21T05:46:00.000-08:00

Myanmar Youth, Internet and Chatting
Myanmar Women and the Danger of Internet

This articles are from Thanlwinainmat internet magazine.

Myanmar Internet Articles : Blogger Personality

2007-02-20T07:05:00.000-08:00

လူတွေမှာ ကိုယ်ရည်ကိုယ်သွေးရှိသလို Blog ရေးတဲ့ Blogger တွေမှာလည်း ကိုယ်ရည်ကိုယ်သွေးတွေရှိတတ်ပါတယ်။ ဥပမာ မောင်မောင်ဟာ ရိုးသားကြိုးစားတယ်လို့ပြောရင် သူ့မှာရိုးသားခြင်းဆိုတဲ့ အရည်အသွေးနဲ့ ကြိုးစားခြင်းဆိုတဲ့ အရည်အသွေး နှစ်ခုရှိနေတာပါ။ ဒီအတိုင်းပဲ Blogger တွေမှာလည်း ကိုယ်ရည်ကိုယ်သွေးတစ်ခု ဒါမှမဟုတ် တစ်ခုထက်ပိုပြီး ရှိတတ်ပါတယ်။ အောက်မှာပြောပြမှာကတော့ Blogger တွေအများစုမှာတွေ့ နိုင်တဲ့ အရည်အသွေး (ရ)ချက်ဖြစ်ပါတယ်။

(၁) ဂုရုကြီး၊ ဆံသသမား (The Barber)

လူတွေနဲ့ နှစ်ပေါင်းများစွာဆက်ဆံပြီး ရလာတဲ့ အတွေ့ အကြုံ၊ ဗဟုသုတ နဲ့ အသိဥာဏ်တွေကို အများကိုဖြန့်ဝေတတ်တဲ့သူမျိုးပါ။ အကြံဥာဏ်ကောင်း တွေပေးတတ်ပါတယ်။ လမ်းကြောင်းမှန်တွေ ညွှန်ပြတတ်ပါတယ်။ ပြောတာတွေ ကလည်းမှန်တတ်ပါတယ်။

(၂) ပညာရှင်၊ ပန်းပဲဆရာ (The Blacksmith)

ဂုရုကြီးတွေလို အတွေ့ အကြုံ၊ ဗဟုသုတရှိပါတယ်။ ကွာခြားတာက သူ့ရဲ့ ကုမ္ပဏီ (ဒါမှမဟုတ်) အသိုင်းအဝိုင်းထဲမှာပဲ အကြံဥာဏ်တွေမျှဝေပါတယ်။

(၃) တံတား (The Bridge)

လူအချင်းချင်း ဆက်သွယ်ချိတ်ဆက်ပေးနိုင်တဲ့ အရည်အသွေးရှိသူပါ။ လူတွေအပေါ်လည်းလွှမ်းမိုးနိုင်ပါတယ်။ ပြဿနာဖြစ်ရင်လည်းကြားကဝင်ရောက် ဖြန်ဖြေတတ်ပါတယ်။ လူမှူဆက်ဆံရေးအရမ်းကောင်းသူပါ။

(၄) ပြတင်းပေါက် (The Window)

ပညာရှင်ပုံစံပါပဲ။ ဒါပေမဲ့ ကိုယ့်လုပ်ငန်းခွင်အသိုင်းအဝိုင်းရော အခြားပြင်ပ ကိစ္စတွေမှာပါ လေ့လာသုံးသပ်လေ့ရှိပါတယ်။ ထင်မြင်ချက်တွေပေးပါတယ်။

(၅) ဆိုင်းဘုတ် (The Sign Post)

တွေ့သမျှကိစ္စအားလုံးကို စကားလုံးနည်းနည်းနဲ့ ထိထိမိမိပြောတတ်ပါ တယ်။ အကြံသိပ်မပေးပါ။ အသစ်သစ်တွေ ရှာဖွေတတ်ပါတယ်။ ကောင်းနိုးရာရာ နေရာတွေကိုလည်းလိုအပ်သလို ညွှန်ပြပေးပါတယ်။

(၆) လေထန်ကုန်း (The Pub)

ကိုယ်တိုင်လည်း အများကြီး ပြောတယ်။ တခြားသူတွေဝင်ဆွေးနွေးအောင် လည်း ဆွဲဆောင်နိုင်တယ်။ အားရပါးရငြင်းတတ်ကြတယ်။ အတွေးချင်းတူသူတွေ စုစည်းနိုင်တဲ့အရည်အချင်းရှိပါတယ်။

(၇) သတင်းစာ (The Newspaper)

သတင်းကအဓိကပါပဲ။ အချက်အလက်တွေကို အမိအရဖော်ပြတတ်ပါ တယ်။ ထင်မြင်ချက်တွေ အရမ်းမပေးပါ။ ဂျာနယ်လစ်ပုံစံမျိုးပါ။

Myanmar Internet Articles

2007-02-19T04:09:00.000-08:00

Surfing, Searching, Brain Storming
How to start Your Internet Journey?
Myanmar Blogs - Blooks
Digital Rock Myanmar

Myanmar Internet Articles : Free Education

2007-02-19T04:06:00.000-08:00

စွမ်းရည်အကောင်းဆုံး စူပါကွန်ပြူတာတစ်လုံးတည်ဆောက်ဖို့ သင့်ရဲ့အကူအညီ လိုအပ်နေတယ် ဆိုရင် သင်အံ့သြနေမလား။ မအံ့သြပါနဲ့။ ဒါတကယ်ပါ။ သင့်မှာ အင်တာနက် ချိတ်ဆက်ထားတဲ့ ကွန် ပြူတာလေးတစ်လုံးရှိနေရင်လုံလောက်ပါပြီ။ BONIC ဆိုတဲ့ software လေး သင့် ကွန်ပြူတာထဲထည့် လိုက်ပါ။သင်ဟာကမ္ဘာ့အပြင်ဘက်က သက်ရှိသတ္တဝါတွေကိုိ ထောက်လှမ်းနေတဲ့ SETI@Home ဆိုတဲ့ စူပါကွန်ပြူတာကွန်ယက်ထဲကို အလွယ်တကူရောက်ရှိသွားပါမယ်။ သင်လုပ်ပေး ဖို့လိုတာက သင့်စီပီယူရဲ့ လုပ်ဆောင်နိုင်စွမ်းအနည်းငယ်ကို ဝေမျှပေးရုံပါပဲ။ ဒါဆိုရင် သင့်အနေနဲ့ စကြာဝဋ္ဌာဆိုင်ရာ သုသေတနလုပ်ငန်းမှာ ပါဝင်ကူညီပြီးသားဖြစ်သွားပါလိမ့်မည်။

ဒီနေရာမှာ သင်မေးစရာမေးခွန်းတစ်ခု ရှိလာပါလိမ့်မယ်။ ဘယ်သူကများ ကိုယ့် ကွန်ပြူ တာကို သူများ အလုပ်အတွက် ပေးသုံးချင်မှာလဲ။
ပြန်ဖြေပါ့မယ်။ အခု ဒီစနစ်ထဲမှာ ဝင်ရောက် ဆောင် ရွက်နေတဲ့ ကွန်ပြူတာပေါင်း ၁ သန်းကျော်နဲ့ အကူအညီပေးသူပေါင်း ၅သန်းကျော် ရှိနေပါပြီ။ ဒါဆိုရင် နောက်ထပ်မေးခွန်းက ဘာကြောင့် ဒီလူတွေ ဒီလိုလုပ်ကြတာလဲ၊ ဝင်ကူညီကြတာလဲ။ အဖြေက Networked Information Economy လို့ခေါ် တဲ့ သတင်းကွန်ယက်ဆက်သွယ်မှူ စီးပွားရေး စနစ် ကြောင့်ပဲဖြစ်ပါတယ်။ စီးပွားရေးစနစ်လို့ ပြောပေမယ့် ငွေကြေးအကျိုးအမြတ်အတွက် ရည်ရွယ်လေ့ မရှိကြပါဘူး။ တကယ်တော့ Networked Information Economy ဆိုတာ စားသုံးသူ (သို့မဟုတ်) ပြည် သူတစ်ဦးချင်းစီ ပူးပေါင်းဆောင်ရွက်ပြီး ပိုင်ရှင်မထားတဲ့ ကုန်ထုတ်လုပ်မှူ သဘောဆောင်ပါတယ်။ အထူးသဖြင့် သတင်းအချက်အလက် ဆက်သွယ်ရေးကဏ္ဍမှာ ဒီစနစ်ကို ပိုမိုတွေးမြင်နိုင်ပါတယ်။ Networked Information Economy ဖြစ်လာရတဲ့ အကြောင်းအရင်းကတော့ စွမ်းရည်မြင့်ကွန်ပြူတာ တွေ လူတိုင်းလက်ဝယ် ရှိနိုင်အောင် ဈေးနှူန်းကျဆင်းမှူ နဲ့ internet ကို အလွယ်တကူ ချိတ်ဆက်သုံးစွဲ နိုင်မှူ ကြောင့် ပဲဖြစ်ပါတယ်။

ဒီနေရာမှာ internet ရဲ့ အခန်းကဏ္ဍဟာ အရမ်းအရေးကြီး လာပါတယ်။ internet ဟာ စီးပွားရေးမဆန်တဲ့ ကုန်ထုတ်လုပ်မှူတွေကို အလုံးအရင်းနဲ့ ထုတ်လုပ်နိုင်ပါတယ်။ ဒီလို ထုတ်လုပ်ရာ မှာလည်း ထုတ်လုပ်မှူ အရင်းအနှီး ကုန်ကျစရိတ်ဟာ မရှိသလောက်ကိုနည်းပါး သွားပါတယ်။ မြင်သာ အောင် သတင်းစာ၊ မဂ္ဂဇင်း၊ ဂျာနယ် တွေရဲ့ သတင်း ထုတ်လုပ်မှူ ပုံစံနဲ့ ယှဉ်ပြောပါ့မယ်။ မဂ္ဂဇင်း တစ် စောင်၊ ဂျာနယ်တစ်စောင် ထုတ်ဖို့ သတင်းထောက်တွေ၊ ဆောင်းပါးရှင်တွေရဲ့ သတင်းနဲ့ဆောင်းပါး တွေ လိုအပ်ပါတယ်။ အလုံးအရင်း နဲ့ ပုံနိုပ်ထုတ်ဝေရပါတယ်။ ကိုယ်စားလှယ်တွေ နဲ့ နေရာဒေသအနှံကို ဖြန့် ဝေရပါတယ်။ ဒီအတွက် ကုန်ကျစရိတ် အများကြီး ရှိပါတယ်။ internet ပေါ်မှာတော့ ထုတ်လုပ်မှူ အဆင့် တော်တော် များများကို အလွယ်တကူနဲ့ ကုန်ကျစရိတ် သက်သက်သာသာ ဆောင်ရွက်နိုင်ပါတယ်။ သတင်းဆောင်းပါးတွေကို internet ဝက်ဘ်ဆိုဒ် ပေါ် တင်ထားလိုက်ပါ။ ဝက်ဘ်ပေါ် တင်တဲ့ စရိတ်ဟာ လည်း ပုံနိုပ်ထုတ်လုပ်မှူ ကုန်ကျစရိတ်နဲ့ ယှဉ်ရင် အများကြီးပို သက်သာပါတယ်။ ဒါဟာ internet ရဲ့ ရုပ် ဝတ္တုဆိုင်ရာကြီးမားတဲ့ အရင်းအနှီး၊အတားအဆီးတွေကို ကျော်ဖြတ်ဖယ်ရှားနိုင်တဲ့ စွမ်းအားပဲ ဖြစ်ပါတယ်။

မင်းသား၊ မင်းသမီး တစ်ယောက်ဟာ သရုပ်ဆောင်မှူအပြင် စာပေလိုင်းကိုပါ ကူးပြောင်း ချင်ပြီဆိုပါစို့။ ဒါမှမဟုတ် စာရေးရတာ ဝါသနာပါတယ် ဆိုပါစို့။ အင်တာနက်ပေါ်က blog ဘလော့လို့ ခေါ်တဲ့ website တွေမှာ အလွယ်တကူပဲ အခမဲ့ရေးသားနိုင်ပါတယ်။ www.blogger.com, www.wordpress.com အစရှိတဲ့ blogging ဝက်ဘ်ဆိုဒ်များ မှာဖြစ်ပါတယ်။ သာမန်လူများလည်း အလွယ်တကူရေးသား နိုင်ပါတယ်။ကိုယ့်အရေးအသား အကြောင်းအရာကို စိတ်ဝင်စားတဲ့ တကမ္ဘာလုံး ကမည်သူမဆို လာရောက်ဖတ်ရှူ နိုင်ပါတယ်။ ဒါဆို စာရေးဆရာတစ်ယောက် သရုပ်ဆောင် ဝါသနာပါ ရင်ကော၊ ရပါတယ်။ အင်တာနက်ပေါ်မှာ ကိုယ်တိုင်ရိုက်ကူးသရုပ်ဆောင်ထားတဲ့ ဇာတ်လမ်းအတို၊ အရှည်တွေကို တင်ထားလို့ ရတဲ့ နေရာ တွေရှိပါတယ်။ www.youtube.com ဆိုရင်အတော်ထင်ရှား ပါတယ်။ ဒီ website ပေါ် က ဇာတ်လမ်းတွေကို လာကြည့် သူပေါင်း နေ့စဉ်သန်းနဲ့ ချီရှိ ပါတယ်။ ကိုယ့်ရဲ့ ဇာတ်လမ်းတွေတင်ထားသူ အများစုဟာလည်း ငွေကြေး ရည်ရွယ်ချက်ဆိုတာထက် ကိုယ်ပိုင်အပန်းဖြေ လို တဲ့သဘောပါ။ ဒါဟာ ဘာကို ပြလဲဆိုရင် အင်တာနက်ဟာ ဈေးကွက်ကို အခြေခံ တဲ့ ဒါမှမဟုတ် အမြတ်အစွန်းကို အခြေခံတဲ့ နည်းဗျူဟာတွေ၊ သဘောထားတွေကို တစတစ ရှင်းလင်းပစ်လာတဲ့ သာဓကပါ။

နောက်ပြီး ကျွန်တော်တို့ ဒီစီးပွားရေးမဆန်တဲ့ ထုတ်လုပ်မှူတွေအကြောင်း ဆက်ကြည့် ရအောင်။ အင်တာနက်ကို အသုံးပြုခြင်းအားဖြင့် ကမ္ဘာတဝန်းလုံးက မည်သူမဆိုဟာ အင်တာနက်ကို အသုံးပြုတဲ့အခြားမည်သူ တစ်ဦးတစ်ယောက်ကိုမဆို အလွယ်တကူဆက်သွယ်ကာ သတင်းတွေဝေမျှ နိုင်နေပါပြီ။ ဒီလိုလွယ်လင့်တကူ ဆက်သွယ်ဆောင်ရွက်နိုင်ခြင်းဟာ အင်တာနက်ရဲ့ အတူတကွပူးပေါင်း ဆောင်ရွက်နိုင်ခြင်းဆိုတဲ့ စွမ်းအားတရပ် ဖြစ်ပါတယ်။ ဒီလိုအခြေအနေမျိုးဟာ အရင်ခေတ် အရင်အခါ အရင်စီးပွားရေးပုံစံစနစ်တွေမှာ မပေါ်ဖူးသေးပါဘူး။ လူတဦးချင်းရဲ့ အကျိုးအမြတ် မရည်ရွယ်တဲ့ ကြိုး ပမ်းဆောင်ရွက်မှူတွေကြောင့် အရည်အသွေးကောင်းပြီး၊ အများလက်ခံနိုင်တဲ့ ထုတ်ကုန်နဲ့ ဝန်ဆောင်မှူ တွေဟာ အံ့သြလောက်အောင် ထွက်ပေါ်လာကြပါတယ်။ လူသိများတဲ့ ထုတ်ကုန်တစ်ခုက တော့ Linux လို့ခေါ်တဲ့ ဆော့ဝဲပါ။ ဒီ Operating System software ဟာအထက်မှာ ပြောခဲ့တဲ့ ပူးပေါင်းဆောင်ရွက်မှူ ရဲ့ ရလဒ်တစ်ခုဖြစ်ပြီး ကွန်ပျူတာလောကမှာ မိုက်ခရိုဆော့ကို စိန်ခေါ်နိုင်တဲ့စွမ်းအား ရှိပါတယ်။ ဆော့ဝဲ တွေပဲလားဆိုတော့ မကပါဘူး။ သတင်းထုတ်လွှင့်မှူပိုင်း၊ ဖျော်ဖြေရေးအပိုင်း၊ ပညာရေးအပိုင်းတွေမှာပါ တိုးတက်အောင်မြင်မှူတွေ ရှိနေပါပြီ။ ပညာရေးပိုင်းမှာဆိုရင် wikipedia လို့ ခေါ်တဲ့ အင်တာနက်အခမဲ့ စွယ်စုံကျမ်းဟာ အရင်ကအရမ်းနာမည်ကြီးခဲ့တဲ့ Brittanica နဲ့ မိုက်ခရိုဆော့ ရဲ့ Encarta စွယ်စုံကျမ်း တွေ မှေးမှိန်လောက်အောင် အောင်မြင်ခဲ့တဲ့ လူတိုင်းပါဝင်ရေးသားပြင်ဆင်နိုင်တဲ့ လွတ်လပ်တဲ့ စွယ်စုံ ကျမ်း ဖြစ်ပါတယ်။ သတင်းထုတ်လုပ်မှူအပိုင်းမှာလည်း စီတီဇင် ဂျာနယ် လစ်ဇင် (citizen journalism) လို့ခေါ်တဲ့ ပြည်သူတိုင်း သတင်းရေးလို့ ရတဲ့ သတင်းဌာနတွေ အင်တာနက်ထဲမှာ ပေါ်ပေါက်နေပြီ ဖြစ် ပါတယ်။ ဒီအတွက်ကြောင့် စွယ်စုံကျမ်းဆိုတာ ပညာရှင်တွေပဲ ရေးရမယ်၊ သတင်းဆိုတာလည်းသတင်းဌာနကြီးတွေမှသာ ထုတ်လုပ်နိုင်တယ် ဆိုတဲ့ အယူအဆ ကျေပျောက်ခဲ့ပါတယ်။ ဒီနေရာမှာ အင်တာနက်ရဲ့ ဗဟိုထိန်းချုပ်မှူမရှိခြင်း (decentralization) စွမ်းအားကိုလည်း ပီပီပြင်ပြင် မြင်တွေ့ လာ ရပြီဖြစ်ပါတယ်။

အချုပ်ပြောရရင်တော့ လူသားတွေ ရုပ်ဝတ္တုပိုင်းဆိုင်ရာ ကြွယ်ဝချမ်းသာဖို့အတွက် ကြိုးစားရုန်း ကန်ကြပါတယ်။ ဒီလိုပဲ စိတ်ဓါတ်ပိုင်းဆိုင်ရာ ပြည့်စုံကျေနပ်မှူ၊ လေးစားယုံကြည်ခံရမှူ၊ လူမှူရေးပိုင်းပါ ဝင် ကူညီနိုင်မှူတွေ လိုအပ်မျှော်လင့်တတ်ကြပါတယ်။ SETI@Home လို ပရောဂျက်အကြီးကြီးတွေ မှာပါဝင်ခြင်းအားဖြင့် မိမိကိုယ်ကို ပိုမိုကျေနပ်လာကြပါတယ်။ ဒီလို ခံစားချက်တွေအတွက် ဈေးကွက် စီးပွားရေးစနစ်နဲ့ ယှဉ်တွဲပေါ်ပေါက်နေတဲ့ သတင်းဆက်သွယ်မှူ စီးပွားရေးစနစ်ဟာ အင်တာနက်ရဲ့ စွမ်း အားတွေနဲ့ လူသားတိုင်းအတွက် ပိုမိုကောင်းမွန်တဲ့ ဘဝတွေကို ဖန်တီးပေးလျက်ရှိနေပါတယ် ဆိုတာ ပြောပြရင်း စီးပွားရေးပုံစံသစ် တစ်ခုအကြောင်း မိတ်ဆက်လိုက်ရပါတယ်။

Myanmar Internet Articles : Networked Information Economy

2007-02-19T04:00:00.000-08:00

FREE Internet Manual

2007-02-10T17:36:00.000-08:00

FREE Internet Manual (Written in Myanmar) Click Here

Web 1.0 Vs Web 2.0

2007-02-06T06:47:00.000-08:00

Web 1.0 was about reading, Web 2.0 is about writing
Web 1.0 was about companies, Web 2.0 is about communities
Web 1.0 was about client-server, Web 2.0 is about peer to peer
Web 1.0 was about HTML, Web 2.0 is about XML
Web 1.0 was about home pages, Web 2.0 is about blogs
Web 1.0 was about portals, Web 2.0 is about RSS
Web 1.0 was about taxonomy, Web 2.0 is about tags
Web 1.0 was about wires, Web 2.0 is about wireless
Web 1.0 was about owning, Web 2.0 is about sharing
Web 1.0 was about IPOs, Web 2.0 is about trade sales
Web 1.0 was about Netscape, Web 2.0 is about Google
Web 1.0 was about web forms, Web 2.0 is about web applications
Web 1.0 was about screen scraping, Web 2.0 is about APIs
Web 1.0 was about dialup, Web 2.0 is about broadband
Web 1.0 was about hardware costs, Web 2.0 is about bandwidth costs

This article is from joedrumgoole.com/blog. I like it. Here is web 2.0 mind map (7MB).

2007-02-03T09:11:00.000-08:00

Technorati Profile

Myanmar Internet Training : SMT Net

2007-02-02T05:31:00.000-08:00

Myanmar Internet Training :15 to 19 January @ Service+

2007-01-19T04:33:00.000-08:00

Today, I share my knowledge to
Left - Ko Yan Lin Aung, Ma Wot Ye, Ko That Zin Oo
Right- Ma Nan Saing Hein , ???(I don't know her name)

Theint helps me a lot.
One of the friends in the class ask me to explain with more basically and
clearer example.I'll try for sure.
Date : 15 to 19 January 2007
Time : 6 to 8 +